Uyu munsi tariki ya 21/02/2022, mu Karere ka Karongi twakiriye Ambassadeur w'Ubuholandi Bwana Matthijs Wolters, ari kumwe na County Director wa SNV, Umuyobozi w'Umushinga Hortinvest bakiriwe ku Biro by'Akarere n'Umuyobozi w'Akarere Madame Mukarutesi Vestine ari kumwe n'Umunyamabanga Nshingwabikorwa w'Intara y'Iburengerazuba Madame Florence UWAMBAJEMARIYA.

Basuye ibikorwa Hortinvest yateye inkunga bikurikira:
✅Koperative COOPEDUSH ikora imitobe, confiture ,mu mbuto maracuja n'inkeri
✅Selling Point ya Bupfune icururizwamo imboga n'imbuto bayitashye ku mugaragaro.

Ari abaturage, ari Abayobozi ku Ntara no ku Karere bashimiye Umushinga Hortinvest yateye inkunga ibikorwa byatumye abaturage biteza imbere , bakikura mu bukene, bityo biyemeje kubisigasira no kubifata neza kugira ngo bizarambe.

Ambassaderi w'Ubuholandi yashimye ibikorwa byiza byagezweho ,ashimira imibanire myiza iri hagati y'Ibihugu byombi, yizeza no gukomeza ubufatanye mu iterambere ry'umuturage.