Kuri uyu wa 13 Kamena  2018, Inkomezabigwi 538  ziturutse muri buri Kagari ko mu Ntara y’ iburengerazuba, zasubitse Urugerero ruciye Ingando rwaberaga mu Karere ka Karongi rwari rwatangiye kuwa 05 Gicurasi 2018. Iki kikaba ari icyiciro cya gatandatu cy’ Itorero ry’ inkomezabigwa. Ni ibirori byitabiriwe na N’ Umunyamabanga wa Leta  Muri Mnisiter y’ Uburezi  Ushinzwe amashuri abanza n’ Ayisumbuye Hon. Dr. Munyakazi Isaac, ari nawe wari umushyitsi mukuru, warii kumwe na Nyakubahwa, Umuyobozi w’ intara y’ Iburengerazuba, Munyantwari Alphonse, inzego z’ umutekano, Abahagarariye uturere tugize Intara y’ iburengerazuba, Rugemintwaza Nepo, komiseri muri Komisiyo y’ Itorero ry’ Igihugu, Intore n’ Abatoza. Uru rugerero rwari rumaze ukwezi n’ Igice, rukaba rwarasubitswe hakozwe ibikorwa bitandukanye by’ indashyikirwa harimo amazu 15 yubakiwe abimuwe mu manegeka, ubwiherero 44 muri gahund yo gufasha abatishoboye gukurirwaho ibibangamira ubuzima bwabo(Human Security), gutangiza no gufasha Itorero ryo ku mudugudu, gutangiza gahunda y’ Urubohero nka bumwe mu buryo bwo guhanga imirimo idashingiye ku buhinzi, kuryanga ibiyobyabwenge, n’ ibindi. Odeta Uwajeneza ni umwe mububakiwe,avuga ko abana be batanu bishwe,imiryango ikamwanga agasigara abayeho nabi,ubu akaba yishimiye inzu yahawe. Ati”Nararaga mu bihuru nzererera ntagira aho mba,iyo bwiraga narebaga igihuru ndaramo,imvura yagwa nkareka ikanyagira cyangwa nkareba urugo mpagararaho izuba ryava nkajya kuzuba nkumuka,nari ntunzwe no gutoragura amakara nkayagurisha nkobona icyo kurya,inzu mpawe ngiye kuyifata neza ntabwo nzongera kuzerera,izi ntore zadushishikarije gukora urubohero tukiteza imbere ubu nibyo tugiye gukora”. Asoza iyi gahunda Umunyamabanga wa Leta  Muri Mnisiter y’ Uburezi  Ushinzwe amashuri abanza n’ Ayisumbuye Hon. Dr. Munyakazi Isaac, yavuze ko urugerero ari ishuri twese twigiramo, kandi ibikorwa byarwo bikaba bigaragaza ko Urubyiruko ari zo mbaraga z’ Igihugu. Yagize ati “ Urugerero  rwerekanye ko koko urubyiruko ari imbaraga z’ Igihugu.” Urugerero ruciye ingando ni imwe muri gahunda z’ Itorero ry’ igihugu aho ikiba kigamijwe ari ugukunda Igihugu no kucyitangira kuko mu Itorero hatorwa Ishyaka ry’ Igihugu.