Tariki ya 04 Kanama 2025,Ubuyobozi bw'Akarere Karongi bwafunguye ku mugaragaro ingando y' urubyiruko rw’Abadventiste b'Umunsi wa Karindwi bagera ku 180 bo mu mirenge ya Mubuga na Gishyita

Muri izi ngando bazakora imirimo y’amaboko itandukanye ndetse banahabwe amasomo abafasha mu buzima bwabo. Ayo masomo arimo iyobokamana, ubuzima bw’imyororokere, kwirinda ihohoterwa no kurwanya amakimbirane mu miryango, uburerere buboneye no kwirinda guta ishuri, uburere mboneragihugu mo kwihangira umurimo, ibiranga ubuyobozi bwiza, kwirinda ibiyobyabwenge no kurwanya iva mu ishuri.

Mu mirimo y’amaboko bazakora, kubumba amatafari yo gusana urusengero, gusana inzu 2 zo muri gahunda yo kurwanya ibibazo byugarije imibereho myiza y’abaturage mu Kagari ka Kigarama na Buhoro, gusana ubwiherero 5 mu Kagari ka Munanira.

Iki gikorwa cyatangijwe ku mugaragaro n’Umuyobozi w'Akarere ushinzwe imibereho myiza 'abaturage Madamu UMUHOZA Pascasie, Umuyobozi w'urubyiruko rw'Abadventiste ku rwego rw'Igihugu,Bwana RUKUNDO Isaie, Umuyobozi w'Urubyiruko muri West  Rwanda Field, Bwana NDENGEYINKA Emmanuel n’Umujyanama mu nama njyanama y'Akarere ushinzwe Inama y'igihugu y'abagore, Madamu NYIRAKABIKIRA Louise.