Umuyobozi w'Akarere Madamu MUKASE Valentine yayoboye inama yahuje ibyiciro bitandukanye by'abayobozi b'urubyiruko ku rwego rw'imirenge n'Akarere.

Hagaragajwe ibikorwa urubyiruko rumaze gukora muri gahunda zitandukanye ndetse hatangwa n'ibitekerezo byo kurushaho kubinoza, icyo Akarere kiteze ku rubyiruko; gukora cyane rukiteza imbere n'ibindi.

 Umuyobozi w'Akarere yarugaragarije bimwe mu bikorwa bitari byiza byaranze rumwe mu rubyiruko nko gucukura amabuye y'agaciro mu buryo butemewe n'ibindi arusaba guhindura imyumvire, rugakora ibikorwa biruteza imbere ku buryo ari byo byivugira kuruta amagambo.

Urubyiruko rwatanze ibitekerezo n'ibibazo  byose bihabwa umurongo, birimo kuba inkingi z'impinduramatwara, kwegera bagenzi babo bakava mu bikorwa bibi ndetse n'ibindi.

Umuyobozi w'Akarere yasoje inama yizeza uru rubyiruko ubufatanye anarusaba gukora cyane rukiteza imbere.

Abandi bitabiriye inama barimo Umuyobozi w'Ingabo muri Karongi, Rutsiro na Ngororero, DPC wa Police  Karongi, ushinzwe Community policing muri Karongi, PC w'Ingabo Karongi n'umukozi ushinzwe urubyiruko, umuco na siporo.