Kuwa 08 Mutarama 2024 Umuyobozi w'Akarere ka Karongi Madamu MUKASE Valentine, Umunyamabanga Nshingwabikorwa w'Agateganyo w'Akarere Madamu NARANGWE Celestine Liliane, umukozi ushinzwe urubyiruko umuco na siporo n'ushinzwe uburinganire bari mu basuye Ikigo Ngororamuco cya Iwawa birebera ibikorwa n'urubyiruko ruhagororerwa, banaganira n'urukomoka mu Karare ka Karongi.

Ni mu rwego rwo gusesengura ibibazo urwo rubyiruko rufite no gutegura gahunda inoze yo kurusubiza mu buzima busanzwe. Iki gikorwa cyahuje abayobozi bo mu Ntara y'Iburengerazuba n'Amajyepfo zari zihagarariwe na ba Guverineri bazo.

Mu kiganiro n’uru rubyiruko, Umuyobozi w’Akarere yarusabye guhinduka, rukabyaza umusaruro amahirwe igihugu cyabahaye yo kugororwa ngo bigirire akamaro na cyo bagire uruhare mu kugiteza imbere.