Ku wa 5 Nzeri 2024, mu cyumba cy'inama cy'akarere ka Karongi habereye inama y'uburezi yaganiriwemo ingingo zirimo imyiteguro y'itangira ry'umwaka w'amashuri 2024 -2025, kwirinda icyorezo cy'ubushita bw'inkende ( MPOX) n'isuku n'isukura

Inama yayobowe n'umuyobozi w'Akarere Madamu Mukase Valentine, watangiye ashimira abayitabiriye, abasaba gukomeza gushyira imbaraga mu guteza imbere ireme ry'uburezi. Yabasabye kandi gukora ibishoboka byose mu kurinda abo bashinzwe Mpox.

Yashimiye amashuri yatsinze neza mu bizamini bya Leta, asaba atarakoze uko bikwiye gufata ingamba zo gutsinda uko bikwiye.

Iyi nama yitabiriye n'abagize Komite Nyobozi y'Akarere, abagize inama y'umutekano itaguye y'Akarere, abayobozi b'ibitaro n'ibigo nderabuzima bikorera muri aka Karere, abahagarariye RBC na REB, abashinzwe ubuzima ku Karere, abanyamabanga Nshingwabikorwal b'imirenge n'ab'utugari, abayobozi b'amashuri n'abafatanyabikorwa.