Ku wa 23 Nyakanga, Umuyobozi w’Akarere Madamu MUKASE Valentine n’Umuyobozi Mukuru wa RTB Bwana UMUKUNZI Paul, batangije ibizamini by’abanyeshuri basoza icyiciro rusange cy'amashuri yisumbuye, abasoza ay'isumbuye, ay'imyuga n'ubumenyingiro. Ku rwego rw'Akarere babitangirije kuri IPK Kirinda.

Aba bayobozi babitangirije ku rwego rw’Akarere ka Karongi ku ishuri rya IPK Kirinda, aho basabye abagiye gukora ibizamini kubishyiraho umutima, bakibuka ko uko babikora bigira uruhare mu kugena ejo habo.

Ku rwego rw'Igihugu biteganyijwe ko abasoza icyiciro rusange bitabira ibizamini ari 143,842 mu cyiciro rusange, abo mu burezi rusange ni 56,537, mu bumenyi ngiro ni 30,922 mu nderabarezi ni 4,068 mu gihe abigaga ubuforomo  ari 203.