Umuyobozi w’Akarere ka Karongi Madamu MUKARUTESI Vestine yatangije gahunda cy’icyumweru cyahariwe kwita ku buzima bw’umwana n’umubyeyi, ifite insangayamatsiko igira iti “Hehe n’igwingira”. Iyi gahunda izamara icyumweru yatangirijwe kuri Ngomamu Murenge wa Gishyita ku rwego rw’akarere ka Karongi.

Madamu Mukarutesi yasabye abaturage kwirinda umwanda, ababyeyi batwite kwipimisha inshuro zagenwe, kuboneza urubyaro, gukingiza inkingo zose no gupima ibiro, guha abana babo indyo yuzuye babarinda kugwingira kuko ugwingiye agira amahirwe make yo kwiteza imbere no kuhateza igihugu.

Dr Mutagoma Mwumvaneza, uyobora ibitaro bya Mugonero yasabye abatuye Karongi kwirinda kwanduza amazi y'Ikiyaga cya Kivu nka bumwe mu bwirinzi bwa mbere, bagomba kandi kuyanywa asukuye; atetse, abaturage bagatunga agatoki ahari abana bafite ikibazo cy'imirire mibi ngo bitabweho.

 Iyi gahunda izamara icyumweru, aho abana n'abakuru barimo guhabwa ibinini by'inzoka, mu gihe abana bahabwa izindi serivisi zirimo kureba uko ubuzima bwabo buhagaze; bapimwa ibirro, ibizigira n'ibindi.