Kuwa 27 Ugushyingo 2023, Umuyobozi w’Agateganyo w’Akarere ka Karongi Bwana NIRAGIRE Theophile yatangije icyumweru cyahariwe kwita ku buzima bw'umubyeyi n'umwana. Gifite insanganyamatsiko: "Hehe n'igwingira ry'umwana. Twite ku buzima bw'umubyeyi utwite n'umwana, imirire, isuku n'isukura, dukingize abana inkingo zose"

Bwana NIRAGIRE yavuze ko ubuzima bw’umwana bugomba kwitabwaho na buri wese uhereye ku mubyeyi we usabwa kurwanya igwingira rye kuva akimutwite kugeza akuze, kuko ngo igwingira ry’umwana ari igihugu igihombo kinini ku gihugu kiba gikeneye ayo maboko ngo agiteza imbere uko bikwiye.

Yasabye ababyeyi kwita ku mirire y'abana babo, kubakingiza hirindwa indwara z'ibyorezo, ababyeyi bakabyara abo bashoboye kurera birinda inyigisho zibayobya, ababyeyi batwite bakisuzumisha inshuro imwe buri kwezi bareba uko ubuzima bwabo n'ubw'abo batwite buhagaze ndetse n'isuku.