Kuri uyu wa 21/04/2021, Umunyamabanga wa Leta Muri Minisitere y’Ubuhinzi, Hon. Ngabitsinze Jean Chrysostome  kugeza kuri uyu wa 22/04/2021 yakoreye uruzinduko rw’Akazi mu Karere ka Karongi aho yasuye ibikorwa by’ubuhinzi mu Karere.

Ari kumwe na Mayor, Mukarutesi Vestine, Umunyamabanga wa Leta muri Minisiteri y'Ubuhinzi n'Ubworozi , Jean Chrysostome Ngabitsinze yasuye Koperative Copedush ihinga amatunda, inkeri ikanakora imitobe iyikomokaho

Mu rugendo yakoranye n’Umuyobozi wa SAIP ndetse n’Intumwa ya NAEB, bakiriwe n’Umuyobozi w’Akarere, Madamu Mukarutesi Vestine.

Ubuhinzi bw'inkeri bugaragaza ko bwagira umusaruro mwiza

Uru rugendo rwatangiriye mu Murenge wa Rubengera, akagari ka Gitwa mu materasi yatunganyijwe mu mushinga LWH, hashyirwamo ibikorwa remezo bituma havomerwa. Aho abaturage bahakorera bahinga ibihe byose kuko bafite amazi age hose mu mirimo, mu buryo buzwi nko Kuvomera i musozi (Hill side Irrigation).

Minisitiri yasuye abanyamuryango ba KOKOABIBIKA

Abahinzi bahuriye muri Koperative KOABIBIKA bahinga imboga n’imbuto baganiriye na Minister, bagaragaje ko bashimira umushinga wa Hortinvest wabegereye ukabigisha uburyo bw’imihingire ijyanye n’igihe hibandwa  ku

-          Gutegura ubutaka

-          Gutoranya imbuto

-          Kwita ku bihingwa no kurinda ibyonnyi n’indwara

-          Gufata neza umusaruro n’ibindi

Macadamia yo mu Murenge wa Mubuga ni kimwe mu bihingwa byasuwe

Muri urugendo kandi, Minister yasuye Inganda z’ikawa ndetse na Koperative COPEDUSH, ihinga imbuto ikanakora imitobe n’ibindi bikomoka ku mbuto. Iyi Koperative ikaba irimo gukorerwamo igerageza ry’ubuhinzi bw’inkeri.

Igikorwa cyo gusura ibikorwa by’ubuhinzi kigamije kureba ibyakorwa ngo ubuhinzi butezwe imbere.