Ku bufatanye bwa Minisiteri y’Ubutegetsi bw’Igihugu , Ikigo gishinzwe iterambere ry'inzego z'ibanze (LODA) na IMBUTO Foundation batanze ibihembo ku midugudu 5 y’icyitegererezo yaje imbere mu mihigo, imiryango 10 na yo yarushije indi muri iyo midugudu, naho imishinga 5 ya mbere y'urubyiruko iterwa inkunga-gishoro muri gahunda y’umushinga "Iwacu-Twifuza".

Ibihembo bya 2024-2025 byatangiwe i Kigali mu nama y’abafatanyabikorwa b’Umushinga “Iwacu Twifuza” ugamije kuzamura imyumvire y'abatuye mu midugudu y’icyitegerezo hirya no hino mu gihugu; bitangwa ku midugudu, urubyiruko n’imiryango yarushije indi mu mihigo yabo ya buri mwaka.

Umudugudu w’icyitegererezo (IDP Model) wa Rugabano mu Karere ka Karongi wegukanye umwanya wa Kabiri uhabwa ibihembo birimo amafaranga y’u Rwanda miliyoni 3.