Umuyobozi w'Akarere ka Karongi Madamu MUKASE Valentine ari kumwe n'uwungirije ushinzwe Imibereho Myiza Madamu UMUHOZA Pascasie n'inzego z'umutekano bifatanyije n'abatuye Umurenge wa Rugabano muri siporo rusange yabaye ku Cyumweru tariki ya 28 Mutarama 2024.

Ni siporo yaranzwe no kwiruka bazenguruka ibice bitandukanye no kugorora imitsi. Nyuma habayeho igikorwa cyo gupima indwara zitandura byakozwe n'abo ku kigo nderabuzima cya Rugabano.

Abitabiriye kandi bahawe ubutumwa bwagarutse ku mutekano, ibyiza byo gukora Siporo, isuku no kwitegura Umunsi mukuru w'Intwari uzizihizwa kuwa 01 Gashyantare 2024.