Ku wa 21 Kanama 2025, abayobozi barangajwe imbere n’Umuyobozi w’Akarere wungirije ushinzwe imibereho myiza y’abaturage, Madamu Umuhoza Pascasie ari kumwe n’Umuyobozi wa Polisi mu Karere SP Mbonyumugenzi A basuye abarimo kugororerwa mu kigo cya Mwendo mu Murenge wa Gashari.

Abayobozi baganirije abagororwa batanga impanuro zirimo indangagaciro na kirazira, babereka inzira nziza bagomba kugenderamo ibereye abanyarwanda bakareka gukora ingeso mbi zibangamira abaturage ndetse  bakareka gusenya ibyagezweho. Babashishikarije kandi kwiteza imbere ndetse bagateza igihugu imbere. 

Abahawe inyigisho bemeye ko bagiye kwisubiraho bagakora ibikwiye bakiteza imbere, bakirinda gusenya ibyagezweho. Nyuma hafashwe  umwanzuro ko abasubizwa mu miryango ari 39, bagizwe n’abagabo 34 n’abagore 5.