kuwa 21 Ugushyingo 2023, Umuyobozi w’Agateganyo w’Akarere ka Karongi Bwana NIRAGIRE Theophile ari kumwe n’abagize inama itaguye y’umutekano y’aka karere bitabiriye inteko y’abaturage b’Umudugudu wa Manji mu Kagari ka Kanyege mu Murenge wa Mutuntu.

Yababwiye ko Leta ibazirikana muri gahunda zitandukanye bityo mu kwezi gutaba bazatangira kugezwaho amazi meza guhera mu kwezi gutaha, mu mezi atandatu bakazatangira guhabwa amashanyarazi.

Uyu Muyobozi yabasabye imbabazi z'uko Akarere kabateganyirije gahunda zitandukanye ariko ntikazibagezeho uko bikwiye, bityo uyu munsi baje kuzibabwira. Mu bikorwa ubuyobozi burimo kubateganyiriza birimo ugukora neza imihanda igana muri aka gace, iziyongera ku bindi bikorwaremezo.

Abaturage bishimiye ko ubuyobozi bw’Akarere bubazirikana, kugeza bugiye kubasura, bunashima ibikorwa biteganyijwe bwababwiye ko bazagezwaho.