Umuyobozi w'Akarere Wungirije Ushinzwe Iterambere ry'Ubukungu yitabiriye ibirori byo guhimbaza Umunsi mukuru wa Mutagatifu Yozefu, wabereye muri Paruwasi ya Birambo, Umurenge wa Gashari ahari abafurere b'Abayozefiti bamwisunze. Ibirori byabanjirijwe n'igitambo cya Misa.

Umushyitsi mukuru yari Padiri Uwantagara Alfred ushinzwe uburezi Gatolika muri Diyoseze ya Nyundo zone Pastorale ya Kibuye akaba yari ahagarariye Nyiricyubahiro Musenyeri wa Diyoseze ya Nyundo.

Umuyobozi w'Akarere Wungirije yashimiye Kiliziya Gatolika uburyo ifasha ubuyobozi bwite bwa Leta by'umwihariko uburyo Diyoseze ya Nyundo ifasha Akarere ka Karongi mu iterambere ry'imibereho myiza y'abaturage mu burezi ubuvuzi ndetse n'ibindi.

Ibirori byaranzwe n'imbyino imivugo indirimbo byose byagarukaga kubudahemuka n'urukundo byaranze Mutagatifu Yozefu.