Kuwa 30 Mutarama 2024, Umuyobozi w’Akarere Madamu MUKASE Valentine n’abagize Komite Nyobozi bakiriye abarimo Umujyanama wa Ambasaderi wa Koreya y’Epfo mu Rwanda, Umuyobozi wungirije wa  UNFPA Rwanda na Good Neighbors basuye ibikorwa byakozwe ku bufatanye n’Akarere bigamije bigamije imibereho myiza y’abaturage; guteza imbere urubyiruko muri gahunda yo kwihangira imirimo n’ubuzima bw’imyororokere.

Ibyasuwe birimo inzu ifasha urubyiruko kuri serivisi z’ubuzima bw’imyororokere ya Rubengera, Ishuri Rubengera TSS ahari urubyiruko hafi 180 rwishyuriwe kwiga imyuga, urwishyuriwe kuyiga mu nkambi y’impunzi ya Kiziba n’urufashwa mu kuri serivisi n’amasomo y’ubuzima bw’imyororokere. Ibyo bikorwa byashyikirijwe ubuyobozi bw’Akarere bwashimiwe uruhare bwagize mu guharanira iterambere n’imibereho myiza by’abaturage b’Akarere ka Karongi.

Madamu MUKASE yijeje abo bafatanyabikorwa ko ubuyobozi bw’akarere ka Karongi buzakomeza gusigasira ibyo bikorwa mu buryo burambye bufatanyije n’urubyiruko bifasha, bigakomeza gutuma bagira ubuzima bwiza.