Kuri uyu wa Gatatu tariki 23 Nyakanga, 2025, Umuyobozi w’Akarere ka Karongi Bwana Muzungu Gerald yakiriye Abafatanyabikorwa bashya bayoboye n’Umuyobozi wa INTERPEACE Bwana KAYITARE Frank baka bari baje kuganira n’Akarere ku mushinga uzamara imyaka 3 bagiye gushyira mu bikorwa ukaba ugamije kwimakaza ubumwe n’ubudaheranwa mu Mirenge ine ariyo Rubengera, Gashari, Murundi na Ruganda mu tugari tune muri buri murenge.

 Ibikorwa uyu mushinga uzibandaho birimo komora ibikomere byatewe na Jenoside yakorewe Abatutsi, kurwanya no gukumira amakimbirane mu muryango, gusubiza mu buzima busanzwe abari mu igororero bakatiwe  bahamwe n’Icyaha cya Jenoside yakorewe Abatutsi 1994, gushyiraho amatsinda yo kwiteza imbere ku bagenerwabikorwa b’umushinga. 

Iyi nama yitabiriwe n’Abafatanyabikorwa  bazafatanya na INTERPEACE kuwushyira mu bikorwa aribo HAGURUKA, PRISON FELLOWSHIP RWANDA, DIGNITE EN DENTENTION (DIDE) , Abanyamabanga Nshingwabikorwa umushinga uzakoreramo, Umuyobozi w’Ishami ry’Imiyoborere n’Umukozi Ushinzwe JADF.