Ku wa 8 Kanama 2025, Umuyobozi w’Akarere ka Karongi, Bwana Muzungu Gerald ari kumwe n’umuyobozi w’Akarere wungirije ushinzwe iterambere ry’Ubukungu, Madamu Ntakirutimana Julienne bakiriye abagize komite ya CSK Academy (Cercle Sportif de Karongi), umuryango uharanira guteza imbere siporo yo koga mu Karere ka KARONGI.

Mu biganiro aba bayobozi bagiranye n’uwa CSKA, Bwana Jean Pierre Ernzen byibanze kuri gahunda y’ibikorwa CSKA yateganyije gukora mu Karere ka Karongi, birimo guteza imbere umukino wo koga, kubahwa ibikorwaremezo bizifashishwa muri urwo rwego.

Umuyobozi w’Akarere, Bwana Muzungu Gerald yabashimiye iyo gahunda nziza bafitiye aka Karere n’abaturage bako cyane cyane bahereye ku bana, abizeza ko ubuyobozi buzabashyigikira kugirango igerweho, butanga ahazubakwa ibyo bikorwa remezo ku nkengero z’ikiyaga cya Kivu.