Umuyobozi w’Akarere wungirije ushinzwe Imibereho Myiza Madamu UMUHOZA Pascasie yitabiriye inteko y’abaturage mu Kagari ka Mataba mu Murenge wa Rubengera.

Abaturage baganirijwe n’Umunyamabanga Nshingwabikorwa w’Umurenge kuri gahunda zirimo :  Umutekano, irondo, kwirinda ubusinzi n'ubwomanzi  ndetse n’urugomo.

Umuyobozi w’Akarere wungirije yabaganirije ku burezi,ubuzima, isuku n'isukura, gupimisha inda no kubyarira kwa muganga, gukingiza abana, gufata indyo yuzuye no kuringaniza urubyaro

Umutoza mu miyoborere no gukemura ibibazo bibangamiye imibereho myiza y’abaturage yabaganirije kuri gahunda yo kwibuka ku nshuro ya 30 Jenoside yakorewe Abatutsi ( imyitwarire mu gihe cyo kwibuka , kwirinda ubusinzi n'amagambo akomeretsa n’ibindi bikorwa bidakwiye, kujyana n'urubyiruko kwibuka no gutanga amakuru.

Nyuma abaturage bagaragaje ibibazo byabo, bimwe birakemurwa ibindi bihabwa umurongo wo kubikemura.