Kuri uyu wa 03/02/2019 mu Karere ka Karongi Hakozwe siporo rusange (Sport de masse) ngarukakwezi, mu mirenge yose igize Akarere ka  Karongi.

Abayobozi ku nzego zitandukanye bayitabiriye    banatanga ubutumwa butandukanye.

 Mu Murenge wa Rubengera ari naho yabereye ku rwego rw'Akarere, Umuyobozi w'Akarere wungirije ushinzwe Iterambere ry'Imibereho myiza MUKASHEMA Drocelle yatanze ubutumwa bwo gukunda siporo basigasira ubuzima bwabo.Aha kandi hari abandi bayobozi   nk'uhagarariye Ingabo,Umuyobozi w'Ibitaro bya Kibuye n'abandi.

Abaturage bahawe amahirwe yo gupimwa uko ubuzima bwabo buhagaze hagendewe ku ngano y'ibiro n'uburebure ( BMI) banagirwa inama zibafasha kugira amagara mazima.

Siporo rusange ni imwe muri gahunda zashyizweho mu rwego rwo

-Ni ugukomeza gufasha abaturage kugira ubuzima buzira umuze

-Guhuriza abaturage muri sipori hagamijwe kurwanya amakimbirane

 -Kurandura  ikoreshwa n'ikwirakwizwa ry'ibiyobyabwenge

 -Kwirinda indwara zitandura ahanini zifatira ku mubyibuho ukabije

 n'ibindi.