Kuwa 15 Ukuboza 2023, Umuyobozi w'Akarere ka Karongi Madamu MUKASE Valentine yatangije Umunsi Murikabikorwa (Accountability Day); urubuga rutuma habaho kungurana ibitekerezo hagati y’Abayobozi n’abaturage buri wese abigizemo uruhare hagamijwe guteza imbere umuco wo kubazwa no kubaza uburyo Abayobozi buzuza inshingano zabo no kugaragariza abaturage ibibakorerwa.

Uyu munsi wari ufite insanganyamatsiko igira iti: "Umuturage ku isonga: Serivisi inoze niyo ntego" wahuriranye no kugaragaza ibyakozwe ku nyandiko ya serivisi zitangirwa mu nzego z'akarere (service charter) ndetse no kugaragariza abatuye aka karere aho gahagaze mu bushakashatsi bukorwa buri mwaka n'Urwego rw'Igihugu rushinzwe Imiyoborere (RGB), hagamijwe kugaragaza ishusho y’uko abaturage babona Imiyoborere n’imitangire ya Serivisi mu Nzego zibegereye (Citizen Report Card-CRC) 2023).

Witabiriwe n'intumwa ya RGB, abagize inama Njyanama y'Akarere, abakozi b'akarere, Abanyamabanga Nshingwabikorwa b'Imirenge yose, Abanyamabanga Nshingwabikorwa b'utugari twose, abagize PSF, JADF, RIC n'abaturage bo mu murenge wa Rubengera.