Kuwa 13 Ukuboza 2023, Umuyobozi w'Akarere ka Karongi Madamu MUKASE Valentine yitabiriye umuhango wo gutanga impamyabumenyi n’ibikoresho ku rubyiruko 513 rurangije amasomo y'imyuga rwo mu turere twa Karongi, Rusizi na Nyamasheke.

Uru rubyiruko rwize imyuga mu gihe cy'amezi 6 rugizwe n'abari bugarijwe n'ibibazo bitandukanye birimo ibiyobyabwenge, ubuzererezi, abataye ishuri n'abangavu batewe inda. Ni igikorwa cyatewe inkunga na UNFPA ku bufatanye n'Uturere n'abandi bafatanyabikorwa barimo Itorero Anglican of Rwanda.

Abandi bitabiriye iki gikorwa barimo Guverineri w'Intara y'Iburengerazuba Hon Dushimimana Lambert wari umushyitsi mukuru, Umuyobozi w'Akarere Wungirije Ushinzwe Imibereho Myiza Madamu UMUHOZA Pascasie, Intumwa ya Miniyouth (National Coordinator wa NYC), Umuyobozi w'ingabo wa Brigade ya 201, Uhagarariye Police, Umuyobozi wa RIB/Karongi, Intumwa ya UNFPA, HDI, SWISS TPH, Umushumba wa Diyoseze ya Karongi/EAR n'abandi bafatanyabikorwa n'urubyiruko rwo muri utwo turere