Minisitiri w'Ubucuruzi n'Inganda, Dr NGABITSINZE Jean Chrysostome yasuye Akarere ka Karongi mu rwego rwo kureba ibikorwa by'iterambere; ubucuruzi, inganda n'ishoramari. Yasuye uruganda rukora ubwato, isoko nyambukiranyamipaka n'icyanya cya hoteli n'ubukerarugendo.

Muri iki gikorwa cyabaye ku wa 24 Mata 2024, Minisitiri Ngabitsinze yaganiriye n'abayobozi n'abakozi b'Akarere, Inama Njyanama, inzego z'umutekano n'abikorera, aho yagaragarijwe imishinga minini y'iterambere irimo gukorwa muri aka karere ndetse n'ibyakozwe mu guteza imbere imiyoborere n'imibereho myiza by'abaturage.

Yashimye aho Akarere kageze gateza imbere abaturage, asaba gukomeza muri uwo murongo, ahagaragaye imbogamizi hakagaragazwa ngo bikorerwe ubuvugizi.