Gukomeza gukora ubukangurambaga bwo kwirinda no gukumira ibiza, hirindwa imiturire itemewe kandi abahinzi n’aborozi bitabira gufata ubwishingizi bw’ibihingwa n’amatungo yabo. Ni bimwe mu byagarutsweho na Minisitiri Maj. Gen. (Rtd) Albert Murasira wasuye Akarere ka Karongi  ku wa 6 Werurwe 2025, akagirana ibiganiro na Komite y’Imicungire y’Ibiza. 

Yagize ati “Ndashimira Akarere uburyo kitanga uko gashoboye mu gukumira no kugabanya ubukana bw’ingaruka ziterwa n’ibiza.”

Yasabye kandi ko habaho uburyo bwo kubika no kugaragaza ibyakozwe muri urwo rwego ku buryo ubishaka yabibona mu gihe runaka atari uguhera ku busa.

Yasabye ko imbaraga zikomeza gushyirwa mu gukumira ibiza; gukora amaterasi, gusibura imigezi, gutera ibiti bifata ubutaka, kuko iyo udakumiriye kare bitwara imbaraga nyinshi mu gushaka gukemura ikibazo.

Akarere ka Karongi kari mu turere twigeze kwibasirwa n'ibiza byabaye muri Gicurasi 2025 bitewe n'imvura nyinshi yateye impfu z'abaturage, abandi ikabasenyera. Ubu abakabakaba 400 bakaba bamaze kubakirwa.