Uyu munsi mu Karere ka Karongi habaye uruzinduko rwa Hon Minisitiri w'Ubutegetsi bw'Igihugu Hon. GATABAZI Jean Marie Vianney ari kumwe na Hon. Minisitiri w'Ubuzima Dr. NGAMIJE Daniel, bakiriwe na Govenor w'Intara y'Iburengerazuba Hon. Habitegeko François.

Uruzinduko rwahereye mu Murenge wa Rugabano ahari mobile  site y'ikingira ry'icyorezo cya COVID-19 muri IDP model Rugabano.

Ba Hon. Min. Dr. NGAMIJE Daniel  na GATABAZI JMV baganira kuri gahunda zo gukingira COVID-19

Nyuma yo kuva kuri site ya IDP Model ya Rugabano, bakomereje mu Murenge wa Rubengera kuri site y'Ikigo Nderabuzima cya Rubengera.
Kuri aya ma sites yombi, abashyitsi basobanuriwe uko igikorwa cy'ikingira giteguye kuva umuturage yinjiye kugeza asohotse.

Kuri aya ma sites yombi hatangiwe ubutumwa  bukangurira abaturage kwikingiza birinda ibihuha bigamije kubabuza kwikingiza Covid-19.

Abaturage bari bitabiriye iki gikorwa ari benshi kandi babukereye

Nyuma yo kuva kuri ayo ma sites yombi, uruzinduko rwakomereje mu cyumba mberabyombi cy'Akarere ka Karongi, ahabereye ibiganiro n'inzego zikurikira ku rwego rw'Intara y'Iburengerazuba:
•    Abahagarariye amadini
•    Abayobozi b’Ibitaro :
•    Inganda z’icyayi :
•    NGOs                                        
•    Inzego z'umutekano
•    Acting Mayors
•    Imboni z’igikorwa cy’ikingira rya COVID-19 mu Turere (7)
•    Platform ya Societe Civil
•    PSF ku rwego rw'Intara.

Muri iyi nama naho hongeye hatangwa ubutumwa bugamije gukangurira abaturage kwirinda ibihuha bigamije kubabuza kwikingiza Covid-19.

Nyuma yo kuganira n'inzego zitandukanye, hakurikiyeho ikiganiro cyabereye kuri Radio ISANGANO, cyagarutse ku gukangurira nanone abaturage kwikingiza COVID-19 birinda ibihuha.