Kuri uyu wa Kane tariki 7 Ukuboza 2023, mu Karere ka Karongi habaye amatora yo kuzuza Inama Njyanama y'Akarere ndetse na Komite Nyobozi y'akarere.

Abakandida bari bemerewe uwo mwanya bari umunani, ariko abitabiriye itora ni 7. 

Ku mwanya wo kuzuza Njyanama hatowe Madamu Umuhoza Pascasie, waje no gutorerwa kuba Umuyobozi w'Akarere Wungirije Ushinzwe Imibereho Myiza. Ku mwanya w'umuyobozi w'Akarere hatowe Madamu MUKASE Valentine wari usanzwe ari Umuyobozi w'Akarere Wungirije Ushinzwe Imibereho Myiza.

Abatowe barahijwe na Visi Perezida w'Urukiko rwisumbuye rwa Karongi.

Nyuma yaho habaye ihererekanyabubasha ryabaye hagati ya Bwana NIRAGIRE Theophile wari Umuyobozi w'Agateganyo w'Akarere guhera mu Ukwakira 2023 na Madamu MUKASE Valentine watowe.