Mu rwego rwo gukomeza kujyana n’abaturage muri gahunda zose z’iterambere ni ngombwa ko habaho uburyo butaziguye bwo kungurana ibitekerezo, gutanga umurongo ndetse no gukemura ibibazo abaturage bahura nabyo.Ni muri ubwo buryo, kuri uyu wa 09 Mutarama 2019, Umuyobozi w’ Akarere Wungiririje Ushinzwe Iterambere ry’ Ubukungu, BAGWIRE Esperance yagendereye abaturage b’ Utugari twa Mataba na Gisanze  mu Murenge wa Rubengera ari naho inama yateraniye bakaba baragiranye  kugirango baganire ku ngingo zitandukanye zijyanye n’ iterambere ry’ umuturage ari nako yakiraga ababaza ibibazo.Inama yari yatumiwemo ikigo gishinzwe kugeza amazi ku baturage WASAC, n’igishinzwe gutanga umuriro w’ Amashanyarazi EUCL dore ko aba ari abafatanyabikorwa b’ingenzi mu iterambere ry’abaturage. Bakaba nabo barabajijwe ibibazo bijyanye na serivisi batanga bakaba baranatanze umurongo ibibazo bigenda bigaragara byazakemukamo. Ubuyobozi bwegerejwe abaturage ni ihame ry’imiyoborere myiza kuko umuyobozi akorera byose kugirango ubuzima bw’umuturage bumererwe neza.