Umunyamabanga Nshingwabikorwa w’Akarere, Narangwe Celestine Liliane yayoboye inama Ngishwanama ku misoro n'amahoro (TAC) y’Akarere ka Karongi. Yasuzumiwemo ingingo;  intego y’imisoro igomba kwinjizwa, ibiciro ngenderwaho n’ingamba zo kunoza imisoro; kwishyuza ibirarane.

Iyo misoro irimo izinjizwa muri uyu mwaka w'ingengo y'imari 2025-2026

• Kurebera hamwe Tarrif iri gukoreshwa muri uyu mwaka w'ingengo y'imari 2025-2026

• Kugaragariza abagize inama Ngishwanama ku misoro n'amahoro aho Akarere kageze kesa umuhigo w'imisoro n'amahoro

• Gufata ingamba zigamije kunoza imikusanyirize y'imisoro n'amahoro cyane cyane ingamba zijyanye no kwishyuza ibirarane.

Yitabirwa n’Umuyobozi w'Akarere ariwe Muyobozi w'inama, Uhagarariye Ingabo mu Karere, Uhagarariye Reserve Force mu Karere, Uhagarariye Police mu Karere, Umuyobozi w'Akarere Ushinzwe Ubukungu, Umunyamabanga Nshingwabikorwa w'Akarere, Umuyobozi wa Ngali, Umuyobozi w’Ikigo cy’Igihugu gishinzwe imisoro n’amahoro (RRA) mu Ntara y' Iburengerazuba n’uwo ku rwego rw’Akarere, Umuhuzabikorwa wa Ngali mu Ntara y'Tburengerazuba n’uwo ku rwego rw’Akarere,  ukuriye urwego rushinzwe umutekano w’imbere mu gihugu ku rwego rw’Akarere, ushinzwe ingabo zishinzwe umutekano wo mu mazi, Ushinzwe abanjira n'abasohoka mu Karere, Uhagarariye Urugaga rw' Abikorera mu Karere, ushinzwe ishami rishinzwe kurwanya magendu, RPD mu Karere, Umuyobozi w'Ishami rya One Stop Center, Umuyobozi w'Ishami ry' Imari mu Karere, Umuyobozi w'Ishami rya BDE, Umuyobozi w'Ishami ry' Ubuhinzi mu Karere, abanyamabanga Nshingwabikorwa b’imirenge, Umugenzuzi w'Imisoro n'amahoro ku Karere, Umubaruramari w'imisoro n'amahoro mu Karere, DASSO Coordinator ku Karere, Umukozi ushinzwe mine na Carierre, Umukozi Ushinzwe amashyamba mu Karere n’abandu batandukanye bo ku mirenge bafite aho bahuriye n’imisoro.

Bimwe mu bitekerezo byagarutse ku kureba tariif nshya ihari ku bijyanye n’imisoro n’amahoro no kureba ko nta bagikoresha ibiciro bitagikoreshwa.

Kujyana n’igihe mu rwego rwo guca ikoreshwa ry’impapuro. Kurera abikorera bakura, no kubashishikariza gukoresha EBM kuko ari inyungu ku mucuruzi kumenya uko ubucuruzi bwe buri gutera imbere ndetse no ku gihugu mu gutera imbere biciye mu kwakira imisoro.

Basabye kandi Amahugurwa ku bijyanye n’imisoro ndetse no kuri EBM.

Umunyamabanga Nshingwabikorwa w’Akarere, Narangwe Celestine Liliane yasabye ubufatanye mu kwinjiza imisoro n’amahoro kuko ari inshingano ya buri wese mu kwiyubakira Igihugu gifite ubukungu buhamye bugizwemo uruhare n’abarwo, kuko ak’imuhana kaza imvura ihise