Ku wa 18/06/2025 mu Karere ka Karongi haje  itsinda riturutse muri Minisiteri y'Uburinganire n'Iterambere ry'Umuryango, Minisiteri y'Ubutegetsi bw'Igihugu  na Police basuye Akarere ka Karongi mu gukurikirana ishyirwamubikorwa ry'imyanzuro y'inama Mpuzabikorwa y'Intara yabaye ku wa 06 Nzeri 2024. 

Iryo tsinda ryari riyobowe n'Intumwa ya MIGEPROF Bwana HITIMANA Jean Baptiste ryakiriwe n'Umuyobozi w'ishami ry'Ubuzima mu Karere Bwana GASHANANA Ephrem ,Hari Kandi Umuyobozi wa Police mu Karere ka Karongi ,Umuyobozi wa RIB mu Karere ka Karongi , Umuyobozi w'Agateganyo w'ishami ry'imiyoborere myiza , Abakozi ku Karere bashinzwe ishyirwamubikorwa ry'iyi myanzuro y'inama Mpuzabikorwa y'Intara , ba GBV officers kuri Isange one stop centers za Mugonero ,kirinda na Kibuye.

Nyuma yo kurebera hamwe iyi myanzuro irimo kubarura no gukurikirana imiryango ibanye mu makimbirane ,kwigisha imiryango ibanye idasezeranye no kuyikangurira gusezerana imbere y,amategeko, gufasha Abangavu basambanyijwe kubona ubutabera, gukumira no kurwanya imirire mibi n'igwingira ,kugarura mu ishuri abana bataye ishuri no kubikumira, byose bigamije Kubaka Umuryango Ushoboye Kandi Utekanye.

Nyuma izi ntumwa za MIGEPROF ,MINALOC na police zakomereje mu Murenge wa Rugabano ziganira n’abaturage muri IDP Model Village Hall. Bakiriwe n'Umunyamabanga Nshingwabikorwa w'umurenge wa Rugabano Bwana NGENDAHIMNA Jean Damascene.

 Bahuye n’Inshuti z'Umuryango(IZU), Komite y'umugoroba w'imiryango, Komite Nyobozi b'imidugudu, Ba Mutwarasibo bose n’Abayobozi b'utugari

Ibyasuzumwe birimo kurebera hamwe bimwe mu bibazo byugarije umuryango nyarwanda muri rusange by'umwihariko umurenge wa Rugabano. Ibimaze gukorwa mu gukemura ibyo bibazo. Ingamba zihari mu gukomeza kubikumira no kubikemura.

Nyuma yo kungurana ibitekerezo kuri izi ngingo zose habayeho gufata ingamba no kwiyemeza icyo buri rwego rugiye kurushaho gukora kugira ngo umuryango nyarwanda utekanye kandi ushoboye.

Izi ntumwa zakomereje mu Murenge wa Mubuga ,mu kagari ka Kagabiro mu mudugudu wa Mweya, aho basuye ingo zibanye mu makimbirane ,mu rwego rwo kuziganiriza ,basuye Kandi Abangavu basambanyijwe babyara imburagihe, banasuye urugo-Mbonezamikurire rw'abana bato muri uwo mudugudu. Bakaba bagiye batanga inama y,ibyakomeza kongerwamo imbaraga.