Tariki ya 2 Mutarama 2024 abayobozi barimo Umunyamabanga Nshingwabikorwa w'Intara y'Iburengerazuba Madamu Florence UWAMBAJEMARIYA, Umuyobozi w'Akarere ka Karongi Madamu MUKASE Valentine, Umuyobozi w’Ingabo muri Brigade ya 201 Brig Gen Albert Rugambwa, Umuyobozi w'Akarere Wungirije Ushinzwe Iterambere ry'Ubukungu Bwana NIRAGIRE Theophile, Umuyobozi w'Akarere Wungirije Ushinzwe Imibereho Myiza Madamu UMUHOZA Pascasie, Umuyobozi w'Ingabo Nyamasheke-Karongi Lt. Col P. NDUSHABANDI, Umuyobozi w’Inkeragutabara Lt. Col. NTAMBARA, Umuyobozi wa Polisi mu Karere ka Karongi SP MUSONI n’abandi bitabiriye umuganda udasanzwe wo gukumira inkangu mu Mudugudu w’Icyitegererezo wa Rugabano mu Murenge wa Rugabano.

Bimwe mu byakozwe harimo kuvanaho iyo nkangu; hasiburwa itaka ryari ryarafunze umuhanda uri munsi ujya mu mirima y'icyayi, gushyira itaka mu mifuka no gutinda iyo mifuka ahabaye inkangu mu rwego rwo kuyikumira.

Nyuma y'umuganda hatanzwe ubutumwa butandukanye bujyanye no kwirinda Ibiza, gahunda yo kwandika ubutaka bwose butanditse ku baturage bafite udupapuro bahawe.

Basuye kandi amatungo yororerwa mu biraro byo muri IDP Model harimo ingurube, Inkoko n'Inka. Nyuma y’ibyo bikorwa aba bayobozi basuye santeri ya Rufungo kureba uko imirimo yo kuhavugurura hashyirwaho amakaro igenda.