Ku wa 9 Ukuboza 2024, mu karere ka Karongi habereye inama ku myinjirize y'imisoro n'amahoro yayobowe n'Umuyobozi w'Akarere w'agateganyo Bwana MUZUNGU Gerald. Iyi nama yahuje abakozi b'Akarere bafite aho bahurira n'imisoro uhereye ku Muyobozi w'agateganyo w'Akarere wungirije ushinzwe iterambere ry'ubukungu, Umunyamabanga nshingwabikorwa w'agateganyo  w'Akarere, umuyobozi w'ishami ry'imari mu Karere, uw'ishami ry'ubuhinzi n'ubworozi, uw'ishami ry'imyubakire ku Karere, abanyamabanga nshingwabikorwa b'imirenge, abashinzwe imyinjirize y'imisoro, ushinzwe amashyamba, ushinzwe icungamari n'ubutegetsi ku murenge, Uhagarariye ikigo cy'imisoro n'amahoro ( RRA), uhagariye Ngali n'Inzego z'umutekano. 

Harebewe hamwe imyinjirize y'imisoro  mu karere, imbogamizi zituma Akarere katinjiza imisoro uko bikwiye n'ingamba zafatwa hakazibwa icyuho.

Muri iyi nama hakaba hafatiwemo ingamba zikurikira :
1. Hakorwe igenamigambi ry'indangaminsi yo guhura n'abasora hagakorwa inama ku bufatanye n'urugaga rw'abikorera PSF
2. Hakorwe urutonde rw'abafite ibirarane
3. Hakorwe urutonde rw'abakeneye ibyangombwa byo gusarura no gutwara ibikomoka ku biti na carriere bitangwe
4. Hakorwe urutonde rw'amato n'uburyo hishyurwa parking yayo
5. Kuzamura imikorere n'imikoranire hagati y'inzego zibanze na Ngali