Mu karere ka Karongi habereye inteko rusange y’ihuriro ry’abafatanyabikorwa mu iterambere. Ayitangiza, Umuyobozi w’Akarere wungirije ushinzwe iterambere ry’Ubukungu Bwan NIRAGIRE Theophile wabasabye kukunganira mu gutuma umuturage agira imibereho myiza, kuko ubufatanye ari ngombwa. Ni inteko yateranye kuwa 26 Werurwe 2024.

Abitabiriye inteko rusange banaganirijwe kuri gahunda y’ibikorwa by’Akarere mu mwaka utaha w’ingengo y’imari, aharimo ibigamije guhindura imibereho y’abaturage; kubaka ibigo nderabuzima, gutanga amatungo, kububakira inzu, gukora imihanda, guhanga ibibuga by’imyidagaduro n’ibindi.

Mu nteko rusange y’ihuriro ry’abafatanyabikorwa hanatanzwe ikiganiro ku myiteguro ya gahunda yo kwibuka ku nshuro ya 30 Jenoside yakorewe Abatutsi. Mu karere ka Karongi izabera ku nzibutso za Jenoside 21. Abafatanyabikorwa basabwe kugira uruhare mu migendekere myiza yayo.