Kuri uyu wa 3/12/2021 ku biro by'Akarere ka Karongi habaye inama igamije gusuzuma ibikorwa by'abafatanyabikorwa n'abaturage b'Akarere ka Karongi muri rusange mu kwitegura umunsi mpuzamahanga w'ubwitange n'ubukorerabushake.

Inama ikaba yitabiriwe n'abafatanyabikorwa bakora ibikorwa by'ubwitange barimo VSO education, CLADHO, Croix Rouge Rwanda, Youth Volunteers, RYAC, CROs b'imirenge bakurikirana Itorero ry'Igihugu n'Ubumwe n'Ubwiyunge.

Inama yayobowe n'Umutahira w'Intore mu Karere yarebeye hamwe ibiri gukorwa mu bukorerabushake n'Ubwitange harimo ubukangurambaga mu mashuri ku kwirinda ihohotera rikorerwa abangavu basambanywa, gusubiza abana mu ishuri ahamaze gukorwa ubukangurambaga mu bigo 57, abana 30 basubijwe mu ishuri hamaze gusesengurwa impamvu batajyayo, bubakiye abatishoboye inzu, imirima y:igikoni, gusibura imihanda yangiritse no gutinda uturaro duto, hari kubakwa ubwiherero 100 na rondereza 40 n'ibindi.

Haganiriwe ku buryo bwo gutanga raporo z'ibikorwa ndetse n'uko umunsi mpuzamahanga uzizihizwa . Bitewe n'uko kuwizihiza bizahuzwa no gushimira amasibo yabaye indashyikirwa ahatanira Inka y'indashyikirwa mu gitaramo cy'ibigwi by'Intore ku Karere ndetse no gushimira imirenge yahize Indi mu Bumwe n'Ubwiyunge hasabwe ko byategurwa neza bikaba byashakirwa undi munsi wa vuba aho kuwizihiza kuri 5/12 ukaba wajya kuwa 15/12/2021.

Inama yatangiye saa 10:30 isoza 12:10.