Kuwa 03 Ukuboza 2023, mu Karere ka Karongi hizihijwe umunsi mpuzamahanga w'abantu bafite ubumuga. Wizihirijwe mu mirenge yose igize Akarere. Ku rwego rw'Akarere wizihirijwe mu Murenge wa Mutuntu (Gasenyi) ahahuriye imirenge 3 ariyo Mutuntu , Rwankuba n'a Gitesi.

Witabiriwe n'aba bakurikira: Bwana Ngirente Philippe Umunyamabanga w'Inama y'Igihugu y'abantu bafite ubumuga, Madamu Mukase Valentine Umuyobozi w'Akarere wungirije ushinzwe imibereho myiza y'Abaturage, Umuyobozi w'ingabo Karongi na Rutsiro, Uhagarariye UNFPA, Uhagarariye HDI, Uhagarariye HI, Uhagarariye UPHLS, Abaharariye imirenge ya Rwankuba , Gitesi na Mutuntu n’Abahuzabikorwa ba NCPD ku rwego rw'iyo mirenge.

Haremewe abafite ubumuga bahabwa  inka, abandi bahawe inyunganirangingo zirimo imbago amagare y'abafite  ubumuga n’inkoni yera ifasha abatabona n'ibindi.

Nyuma habaye  umukino  wa sitball hagati ya Karongi na Rutsiro mu rwego  rwo kwizihiza IDPD Karongi itsinda Rutsiro. Karongi ihabwa ibikoresho byo gukina ndetse n'igikombe.