Tariki ya 6 Werurwe 2025, mu Karere ka Karongi muri Centre Bethel hatangiye  Umwiherero w'iminsi ibiri uri guhuza Ubuyobozi bw'Akarere ka Karongi n'abafatanyabikorwa b'Akarere bibumbiye muri JADF-KARONGI. 

Umwiherero witabiriwe na Perezida w'Inama Njyanama y'Akarere Bwana NGARAMBE Vedaste, Abaperezida ba za Komisisiyo mu Nama Njyanama , Umuyobozi w'Akarere w’Agateganyo Bwana MUZUNGU Gerald ari kumwe n'abandi Bagize Komite Nyobozi y'Akarere, n'abafatanyabikorwa b'Akarere bibumbiye muri JADF-KARONGI, Umuyobozi w’Ingabo, Umuyobozi wa RIB,Umuhuzabikorwa wa DASSO mu Karere, Abanyamabanga Nshingwabikorwa b'Imirenge, Abayobozi b'Amashami mu Karere, Perezida wa RIC mu Karere, Abahagarariye amadini n”amatorero, Uhagarariye BSF, Umuhuzabikorwa w’Inama y’Igihugu y’abagore  n’uw’Inama y’Igihugu y’Abantu bafite Ubumuga 

Uyu mwiherero uzaganira ku ngingo zikurikira:

Ishusho y’uko abaturage babona imiyoborere n’imitangire ya serivisi   mu Karere ka Karongi 2024 ( CRC 2024) no gufata ingamba zatuma ibitagenda neza bikosorwa.

Gutegura Igenamigambi ry’Akarere rya 2025/2026 buri wese akagaraza uruhare rwe.

Kurebera hamwe uburyo bwo gukemura ibibazo byugarije Abarokotse Jenoside yakorewe Abatutsi1994 by’umwihariko kubashakira amacumbi

Kurebera hamwe JADF n’imikorere yayo

Kurebera hamwe ishyirwa mu bikorwa rya ‘ GAHUNDA YA JYEJURU KIBONDO n’ibikenewe kugira ngo irusheho kugenda neza.

Uyu munsi waranzwe no kuganira ku ngingo eshatu za mbere , usozwa no kujya  mu matsinda kw’abaje mu mwiherero bagamije kunoza no kugaragaza ibikorwa kuri buri wese azakora kugira ngo Akarere ka Karongi kagere ku “ ITERAMBERE RIRAMBYE KANDI RYIHUSE ” ari yo nsanganyamatsiko y’uyu mwiherero.