Tariki ya 7 Kanama 2025, mu nteko z’abaturage zabereye mu tugari two mu mirenge igize Akarere ka Karongi habereye igikorwa cyo kwemeza abaturage batishoboye bazunganirwa muri gahunda ya VUP muri 2025-2026. 

Mu gutoranya bahera ku mabwiriza yoherejwe na LODA asomerwa abitabiriye iyi nteko ndetse na lisiti y’abaturage n’imibereho yabo yagaragajwe na LODA , noneho abaturage bakemeza ababikwiye bari kuri iyo lisiti,  abatabikwiye bagakurwaho, bakongeraho kandi ababikwiye batari kuri urwo ruteonde, nyuma bakuzurizwa amakuru muri sisiteme ya Social Registry.

Muri rusange abaturage babanza gusomerwa amabwiriza agenga abashyirwa muri buri nkingi y'abunganirwa (VUP Direct Support, VUP ePW Home-Based ECD).

Ku wa 6 Kanama 2025, iki gikorwa cyari cyatangiriye mu Murenge wa Gashari, nyuma yahoo gikomeza mu Yindi, bityo cyamaze gusozwa mu mirenge 13 igize aka Karere.

Abagiye bashyirwa muri iyi gahunda bagaragaje ko yabateje imbere, bamwe ibafasha kugura amatungo bahereyeho abateza imbere, abanda biyubakira inzu zo kubamo.