Ku biro by'Akarere ka Karongi habereye inama yabaye ku bufatanye bwako na ActionAid yo gutangiza umushinga ugamije kubaka imiryango itekanye kandi ibasha guhangana n’imihindagurikire y’ikirere. Umushinga uzamara imyaka 3 wibanda ku bagore n'urubyiruko mu Mirenge ya Gitesi na Murundi.

Atangiza iyi nama, Umuyobozi w’Ishami ry’Imiyoborere Myiza mu Karere, Bwana Ndamyeyezu Fidele yavuze ko uwo mushinga ari mushyiguzi y’iterambere; uzagirira akamaro abatuye Akarere kuko iyo wigishije umugore uba wigisha umuryango.