Ku wa 31 Nyakanga 2024, mu Karere ka Karongi hatangijwe umushinga "Ubuzima Bwanjye", ugamije kubaka ubushobozi bw'urubyiruko ku buzima bwo mu mutwe, kwirinda ihohoterwa n'icyorezo cya SIDA. Uzashyirwa mu bikorwa n'Umuryango Young Women Christian Association (YWCA) ku bufatanye n’ishami rya Loni ryita ku bana UNICEF.

Ibikorwa by'umushinga bizakorerwa mirenge yose 13 igize aka Karere, hifashishijwe abafashamyumvire b'urungano. Biteganyijwe ko ibikorwa byawo bizagera ku rubyiruko rwiga 11,868 na 7912 rutiga. Uyu mushinga uzakorana umunsi ku wundi n'inzego z'ubuzima mu Karere ka Karongi.