Urubyiruko rw’abakorerabushake ku rwego rw’Akarere ka Karongi rwasuye rugenzi rwarwo mu Murenge wa Bwishyura.

Ni igikorwa uru rubyiruko rwari rumaze iminsi rukorera mu Mirenge yose igize Akarere ka Karongi, cyasojwe no gusura urwo mu Murenge wa Bwishyura. Ni igikorwa cyakorwaga na komite y’uru rubyiruko ku rwego rw’Akarere. Cyitabirwa kandi n’ubuyobozi bw’Akarere, ubwa Polisi mu Karere n’ubw’ingabo.

Muri icyo gikorwa baraganira, bakungurana ibitekerezo ku mahirwe y’akazi arukikije n’uburyo  bwo kuyabyaza umusaruro.

Bimwe mu byaganiriweho birimo kurebera  hamwe uruhare rw’uru rubyiruko mu kurwanya ibyaha no kubikumira. Kurebera hamwe amahirwe agenewe urubyiruko n'iburyo bwo kuyabyaza umusaruro, amavu n’amavuko y’uru rubyiruko ndetse n’amateka y’u Rwanda.

Urubyiruko rwarangije kaminuza ruzafashwa gushakirwa imirimo, ndetse n’urwacikanywe kwinjira mu ngabo z’igihugu rweretswe amahirwe rugifite.