Kuwa 22 Ukuboza 2023, itsinda rigizwe n’Umuyobozi Wungirije w’Akarere ka Karongi Bwana NIRAGIRE Theophile, abayobozi b’ingabo, Police na DASSO, Abakozi  bo mu ishami ry’ibikorwaremezo, Ubuyobozi bw'Akagari ka Ryaruhanga, Abaturage b 'Akagari ka Ryaruhanga bakoreye igikorwa cy'umuganda ku muhanda wa Mubuga -Bisesero igice cya Mubuga. Ni umuganda watangiye saa Moya za mu gitondo kugeza  saa Saba z'amanywa ( 07h00-13h00).

Imirimo yakozwe:

-Kuzibura inzira z'amazi zari zarazibye( drainage channel)hazibuwe inzira y'amazi ifite uburebure bungana na kirometero eshanu( 5Km)

-Gukura inkangu mu muhanda

Ingano : itsinda ryakuye inkangu mu muhanda zingana na metero cube ijana ( 100 cubic meter)

-Gutsindangira laterite mu bice bimeze nabi ku burebure bwa kilometero 7.

Agaciro k 'ibyakozwe kagera kuri millioni eshatu  z'amafaranga y u Rwanda( Frw 3,000,000).

Iki gikorwa cyasojwe  n'inama yayobowe n'Umuyobozi  w' Akarere ka Karongi wungirije ushinzwe iterambere ry'ubukungu ( VM/FED) washimiye ibyiciro bitabdukanye byitabiriye iki gikorwa.

Yibukije ubuyobizi bw'Akagari ka Ryaruhanga  ko atari ngombwa  gutegereza  umuganda w'Akarere ahubwo bajya bapanga umuganda ubwabo kugira ngo umuhanda ukomeze ube nyabagendwa.

Uyu muganda kandi wabereye no mu Murenge wa Rwankuba aho ku rwego rw'Akarere witabiriwe n'abayobozi b'amashami mu karere ku wa 23  Ukuboza 2023. Hasanwe umuhanda guhera ahazwi nk'ishyamba rya Minadef kugeza muri santeri ya Gisovu.

Ibyakozwe:

-Gusiba ibinogo hakoreshejwe laterites  

-Gusibura inzira z'amazi.

Umuganda witabirwa n’abaturage aho bifatanyije n’ubuyobozi bw’umurenge, umuyobozi w’ingabo  zikorera mu murenge. Ku rwego rw'akarere hari Umuyobozi ushinzwe imari ( DAF) Madamu IRAGUHA Yvette n'Umuyobozi Ushinzwe ubutegetsi n'abakozi Virgile NKUNDIYE.

Nyuma y'umuganda abaturage baganirijwe kuri gahunda za leta arizo:

-Umutekano

-Ejo heza

-Mituweli

-Kurinda ibyagezweho

Habajijwe ibibazo byose bihabwa umurongo.