Ku wa 6 Kanama 2025, mu Karere ka Karongi hateranye inama ya Komite Nyobozi yaguye y'Inama y'Igihugu y'Abagore yakozwe hifashishijwe ikoranabuhanga rya WebEx.

Iyi nama yatangijwe n'Umuyobozi w'Akarere wungirije Ushinzwe Iterambere ry'Imibereho Myiza Madamu UMUHOZA Pascasie, iyoborwa n'Umuhuzabikorwa w’Inama y’Igihugu y’Abagore (CNF) Madamu NYIRAKABIKIRA Louise.

Inama yitabiriwe n’abandi barimo abagize Komite y'Inama y'Igihugu y'Abagore ku rwego rw'Akarere, Umukozi w'Akarere Ushinzwe Uburinganire n'Iterambere ry'Umuryango unafite mu nshingano gufasha Abagize Inama y'Igihugu y'Abagore kugera ku nshingano zabo no gushyira mubikorwa imihigo baba biyemeje, Abahuzabikorwa b'Inama y'Igihugu y'Abagore ku rwego rw'Imirenge, Abakozi bashinzwe imiyoborere myiza ku rwego rw'Imirenge banafite mu nshingano Inama y'Igihugu y'Abagore no kuyifasha kugera ku mihigo ya Mutimawurugo baba biyemeje. 

Ingingo zaganiriweho zirimo gutegura inama rusange za CNF kuri buri rwego kuva ku mudugudu kugera ku Karere, imihigo ya Mutimawurugo mu mwaka  2025/2026, Uruhare rw'Inama y'Igihugu y'Abagore kuva ku mudugudu, Akagari, Umurenge n'Akarere muri gahunda za Leta zisaba ubukanguramba (HSIs, Ejo Heza, MUSA, ..) 

Ku ngingo ya mbere ijyanye n'inama rusange za CNF kuri buri rwego ,hemejwe ko ku rwego rw'Imidugudu inama izakorwa hagati ya tariki 07-09/08/2025, ku rwego rw'Utugari inama zizaba hagati ya 10-17/08/2025. Naho ku rwego rw'Imirenge inama za CNF zizaba hagati ya tariki ya 18-24/08/2025. Ku rwego rw'Akarere inama rusange ya CNF izaba ku wa 29/08/2025. Buri rwego rukazatanga raporo ku rwego rwisumbuye.

Abitabiriye inama bagaragarijwe imihigo ya Mutimawurugo y'uyu mwaka wa 2025/2026 nkuko ibyibanzweho byaturutse mu midugudu (Priorities) Kandi iyi mihigo ikazakorerwa mu midugudu yose igize Akarere Aho kuba umudugudu umwe nkuko byakorwaga

Bibukijwe kugira uruhare muri gahunda za Leta zisaba ubukangurambaga harimo gukemura ibibazo bibangamiye imibereho myiza y'abaturage (HSIs) ,gahunda ya Ejo Heza ndetse no kwitabira kwishyura ubwisungane mu kwivuza(MUSA)                 

Banibukijwe igikorwa cyo Kubarura imiryango ibanye mu makimbirane no guherekeza iyi miryango mu rwego rwo kuyifasha kuyasohokamo no kwiteza imbere. Kubarura iyi miryango raporo ikazatangwa bitarenze tariki 30/08/2025 hakurikijwe ifishi yatanzwe.

Ikindi ni ukwihutisha kubarura Abangavu batewe inda tariki 14/08/2025 hakazaba hatanzwe urutonde ku rwego rw'Akarere.