Ubuyobozi bw’Akarere ka Karongi n’umuryango Nyarwanda ugamije guteza imbere gahunda z’uburinganire n’ubwuzuzanye hagati y’abagabo n’abagore, abahungu n'abakobwa mu iterambere ry’Igihugu hubakwa imyumvire n’imyitwarire ya kigabo izira ihohotera Rwanda Men’s Resource Centre (RWAMREC) bakomeje gukorana mu bikorwa bigamije ineza y’abaturage.

Ku wa 26 Ugushyingo 2025, habaye inama inama ngaruka gihembwe yahuje abafatanyabikorwa b’akarere batandukanye hagamijwe kurebera hamwe uburyo buri wese yagira uruhare mu buvuzi bw’amaso mu Karere ka Karongi.

Muri iyo nama, Umuyobozi w’Akarere wungirije ushinzwe iterambere ry’ubukungu, Ntakirutimana Julienne yasezeranyije umufatanyabikorwa RWAMREC, ko Akarere kishimira gufatanya na we mu bikorwa ahakorera kuko byagaragaye ko biteza imbere abaturage. Hari mu nama yahuje inzego zitandukanye yo kurebera hamwe uko bakomeza gukangurira abaturage kwivuza uburwayi bw’ishaza.

Itangaza ko nyuma yo kubona ko hari ikibazo cy’indwara y’ubuhumyi mu muryango nyarwanda, RWAMREC ku bufatanye na Fred Hollows Foundation (FHF) bityo ikaba irimo kuvura abaturage bo mu Karere ka Karongi basaga 400.

Abatumirwa barimo abayobozi ku rwego rw’Akarere, abahagarariye amadini n’amatorero, inzego z’umutekano, abayobozi b’ibitaro bikoerera muri aka Karere, Abanyamabanga nshingwabikorwa b’imirenge Rugabaro, Rubengera, Gitesi, Bwishyura, Mutuntu na Rwankuba, Ushinzwe abajyanama b’ubuzima ku bitaro bya Kibuye n’abaganga b’amaso.