Itsinda ry’abakozi bo mu kigo cy’itumanaho, MTN Rwanda baganiriye n’ubuyobozi bw’Akarere ka Karongi ku bijyanye n’imikorere n’imikoranire ikwiye. Ni igikorwa cyabaye ku wa 7 Kanama 2025.

Iri tsinda riyobowe na Ndoli Didas, uyobora ishami ry'ubucuruzi muri MTN Rwanda ryakiriwe n’Umuyobozi w’Akarere ka Karongi, Bwana Muzungu Gerald. Baganiriye ku mikorere n’imikoranire no kuyinoza biruseho, kwegera abakiliya no gufatanya mu bindi bikorwa bitandukanye. 

Umuyobozi w’Akarere, Bwana Muzungu Gerald yagaragarije iri tsinda rya MTN, ibibazo bigaragara mu kubura ihuzanzira mu bice bitandukanye by’aka Karere, maze abagize iri tsinda bavuga ko bateganya gushyira iminara 19 muri aka Karere mu gihe cya vuba, bigatuma icyo kibazo gikemuka mu buryo bwa burundu.