Mu karere ka Karongi muri Romantic Hotel hakozwe amahugurwa ajyanye n'imicungire y'amakoperative ndetse n'ibimina, baganirijwe ku itegeko rishya rigenga amakoperative ndetse n'itegeko rigenga ibimina. 

Baganirijwe ku kwimakaza ihame ry'Uburinganire n'Ubwuzuzanye mu Miryango no mu iterambere ry'amakoperative.

Aya mahugurwa yateguwe ku bufatanye n'Umufatanyabikorwa Actionaid Rwanda, Tubibe Amahoro bahagarariwe na MUVUNYI Jean Damascene ukuriye Umushinga wa IFS Kungahara Project igamije kongera Umusaruro w'ibihingwa no gukorana n'ibigo by'imari mu kwagura ibikorwa. Na TWAHIRWA Clement. 

Ku rwego rw'Akarere amahugurwa yitabiriwe kandi agirwamo uruhare n'Umukozi w'Akarere Ushinzwe guteza imbere ibigo bito n'ibiciriritse ndetse no guteza imbere amakoperative, Umukozi w'Akarere Ushinzwe Uburinganire n'Iterambere ry'Umuryango. Hitabiriye kandi abahagarariye ibigo by’imari harimo Managers ba SACCO ya Gitesi na Murundi , uhagarariye inkunga Finance, Uhagarariye BDF ishami rya Karongi, Urwego Finance, RIM, CLECAM Ejo Heza. Hitabiriye kandi abanyamuryango n'abayobozi ba za Cooperative z'abagore bakora  ubuhinzi bagera kuri 30 baturuka Gitesi na Murundi. Bakanguriwe kwitabira no gukorana n'ibigo by,imari ,kwitabira kujya mu bigo by,ubwishingizi mu buhinzi.