Umuyobozi w'Akarere wungirije Ushinzwe iterambere ry'Imibereho Myiza y'Abaturage Madamu MUKASE Valentine yayoboye inama y'aborozi b'ingurube muri IDP model ya Rugabano igamije gusangiza aborozi bose ibyavuye mu rugendo-shuri rwakozwe mu Karere ka Nyaruguru no gufatira hamwe ingamba zo kuvugurura ubworozi bw'ingurube.

Aborozi bagiye mu rugendo-shuri bafatanyije n'abakozi ku Karere  n'Umurenge basobanuriye abandi  ibyiza babonye mu bworozi bw'Ingurube basuye habaho n'umwanya wo kureba uko ubworozi bw'ingurube bwavugururwa muri IDP model ya Rugabano.

Nyuma yo kungururana ibitekerezo hafashwe imyanzuro yihutirwa ikurikira:

-Gukoresha ibiryo byabugenewe mu kwita ku ngurube no kwirinda kuzigaburira ubwatsi guhera ejo ku wa 17/11/2023;

-Gushaka abandi bakozi bose bakaba bane bo kwita ku ngurube ku isuku no kugabura no gucunga umutekano ku manywa;

-Gushaka ibikoresho by'abakozi bakora mu biraro (bottle, ibisarubeti, ibiroso, isabune, );

-Gucukura ingarane rusange no gushyiramo ifumbire;

-Gushaka ibarizo izajya ishyirwa mu biraro;

-Gutangira gukoresha uburyo bwo gutera intanga ingurube mu kubangurira;

-Akarere gukomeza gushaka ibiryo by'ingurube no gusana Ibikorwa remezo byangiritse ( Ibigega, ibiraro); no gushyiramo umuriro ku biraro.

-Abaturage boroye ingurube basabwe gushyira imbaraga muri gahunda yo kuvugurura ubworozi bafite.