Uyu munsi ku wa gatandatu tariki ya 3/09/2022, Abayobozi b'Intara y'Iburengerazuba n'ab'Intara y'Amajyaruguru basuye Ikigo Ngororamuco cya Nyamagabe.

Ku ruhande rw'Intara y'Iburengerazuba hitabiriye Hon. PES w'Intara, DRPC, ba Vice-Mayor Asoc, ba DPC, Dir BDU,  abakozi bashinzwe Urubyiruko, umuco na siporo n'abakozi bashinzwe iterambere ry'Umuryango.

Intara y'Amajyaruguru yari ihagarariwe na Nyakubahwa Governor, RPC, ba Mayors, ba Vice-Mayors Asoc, bamwe muri ba ES b'Uturere n'abakozi bashinzwe Urubyiruko, Iterambere ry'Umuryango n'abo mu ishami ry'iterambere ry'Umurimo.

Habayeho igikorwa cyo kuganira mu matsinda n'urubyiruko rugororwa muri buri Karere n'Abayobozi baje bahagarariye buri Karere. Byari mu rwego rwo kugira ngo haganirwe ku bibazo urubyiruko rufite n'icyo rwifuza rwafashwamo igihe ruzaba rurangije kugororwa.
Wabaye umwanya mwiza w'Abayobozi wo kumva neza uko bazitegura kubakira n'uburyo hagiye gutegurwa igenamigambi ryo kubafasha kugira ngo babashe kwiteza imbere nk'abandi banyarwanda.

Habayeho umwanya wo kwakira impanuro zatanzwe n'Ubuyobozi bwa NRS bwari buhagarariwe na Deputy DG, RPC w'Amajyaruguru na Nyakubahwa Governor w'Intara y'Amajyaruguru. 
Bose bashimye imikorere ya NRS n'uburyo buboneye igororamo urubyiruko. 
Basabye urubyiruko rugororwa kurushaho guhinduka no gukomeza kwimakaza Indangagaciro z'Umuco Nyarwanda batojwe. Abayobozi bose basabye urubyiruko gutera intambwe igana imbere, bakazabyaza umusaruro ibyo bigiye muri Rehabilitation Center ya Nyamagabe.
 Ubuyobozi bwabijeje kuzabafasha kugira ngo abifuza gusubira ku ishuri bazajyeyo kimwe n'abifuza gukora imyuga inyuranye bize.

Biteganijwe ko ku munsi w'ejo ku cyumweru tariki ya 4/09/2022 hazasurwa urubyiruko rugororerwa mu Kigo Ngororamuco cya Iwawa. Gahunda yagenze neza.