Mu muganda rusange ngarukakwezi wabaye mu Ukwakira 2023, Abayobozi batandukanye barimo Senateri MURESHYANKWANO Marie Rose, Umunyamabanga Nshingwabikorwa w’Intara y’Iburengerazuba Madamu UWAMBAJEMARIYA Florence, Umuyobozi w’Agateganyo w’Akarere ka Karongi Bwana NIRAGIRE Theophile, Umuyobozi w’Akarere Wungirije ushinzwe Imibereho Myiza Madamu MUKASE Valentine n’abayobozi b’Ingabo ma Polisi bifatanyije n’abatuye imirenge ya Mutuntu na Rugabano mu muganda wibanze ku gutera ibiti.

Bwana NIRAGIRE Theophile yifatanyije n'abaturage bo mu Mudugudu wa Murambi mu Kagari ka Byogo mu Murenge wa Mutuntu mu muganda rusange waranzwe no gutera Ibiti bisaga ibihumbi 3 bivangwa n'imyaka byatewe kuri hegitari 15. Ni mu gihe abandi bashyitsi bifatanyije n’abatuye Akagari ka Rufungo mu Murenge wa Rugabano mu muganda waranzwe no gutera ibiti bivangwa n’imyaka no guziza ikibazo kizubakirwamo utishoboye ndetse no kumutundira ibikoresho.

Nyuma y’umuganda umuyobozi w’agateganyo w’Akarere yatanze ubutumwa bwibanze ku kubungabunga amashyamba hirindwa gusarura ateze, gusaba ibyangombwa ku basarura ayeze, guhinga ubutaka bwose, kujyana abana bose ku ishuri no kubyara abo bashoboye kurera, isuku n’isukura n’amatora.

Abayobozi b'Ingabo na Polisi batanze ubutumwa bwagarutse ku kwicungira umutekano; bavuze ko uw'igihugu udadiye, ariko aho abo baturage batuye hari abiganjemo urubyiruko batavana amaboko mu mufuka ngo bakore ahubwo bakararikira kwiba iby'abaturanyi babo, babasaba gukaza amarondo.