Ku wa 24/06/2025 abarimo Umuyobozi w'Akarere wungirije Ushinzwe imibereho Myiza bitabiriye inama yabaye hifashishijwe ikoranabuganga, yari igamije kunoza imihigo y'Inama y’Igihugu y'Abagore.

Inama yayobowe na Hon .Minisitiri w'Uburinganire n'Iterambere ry'Umuryango Madamu UWIMANA Consolee, yitabiriwe kandi na  Guverineri w'Intara y'Iburengerazuba Bwana  NTIBITURA Jean Bosco, Perezida w'Inama y'Igihugu y'Abagore  ku rwego rw'Igihugu ,Umunyamabanga Nshingwabikorwa wa CNF , Abayobozi b'uturere bashinzwe imibereho myiza  mu Turere tugize Intara y’Iburengerazuba, Komite ya CNF ku rwego rw'Intara y’Iburengerazuba, Komite za CNF mu Turere tw'Intara y’Iburengerazuba , Abayobozi b'ishami ry'igenamigambi mu Turere tugize Intara y’Iburengerazuba. Abakozi bashinzwe Uburinganire n'Iterambere ry’umuryango n’Abahuzabikorwa ba CNF mu Mirenge igize Intara y’Iburengerazuba. 

Ingingo zaganiriweho zirimo kurebera hamwe uko isuzuma ry’imihigo ya Mutimawurugo yo mu mwaka w’Ingengo y’imari 2024-2025 ihagaze, kugaragaza Imihigo ya Mutimawurugo ishingiye kuri Gahunda y'Igihugu yo kwihutisha iterambere (NST2) yemejwe na buri Karere ya 2025/2026, Gufatira hamwe ingamba mu gukomeza kunoza imikorere y’Inama y’Igihugu y'Abagore binyuze mu mihigo ya Mutimawurugo. 

Hafashwe imyanzuro irimo imihigo ya Mutimawurugo inyandiko ikaba yatanzwe bitarenze tariki 10/07/2025. Hasabwe Kandi ko CNF n'izindi nzego zakwibanda mu gukemura ibibazo bikurikira : - Gukemura ibibazo by,isuku nke bikigaragara -Kurwanya imirire mibi - Kurwanya amakimbirane mu Miryango -Kurwanya ubusinzi bugenda bugaragara -Gusesagura umutungo w'urugo bikozwe na bamwe mu bagize umuryango -Gukumira abana bata ishuri n'Ubuzererezi -Gukumira gusambanya abana, ababyeyi ugasanga barahita babahatira gushaka bakiri bato -Kugaruka ku mihigo y,umuryango igenda itakara.