Kuwa 18 Mutarama 2024, Akarere ka Karongi kasuwe n' itsinda  ry' Abasenateri riyobowe na Hon. Senateri NIYOMUGABO Cyprien ari kumwe na Hon. Senateri  MUPENZI George bakiriwe n'Umuyobozi w' Akarere ka Karongi wungirije ushinzwe Iterambere ry' Ubukungu Bwana NIRAGIRE Theophile.

Basuye koperative 2; iy' Ubworozi yitwa Umurimo unoze yorora inkoko ikorera mu Murenge wa na koperative y' ubuhinzi yitwa KOABIBIKA ikorera mu Murenge wa Rubengera.

Mu makoperative yasuwe babonanye na komite ziyagize n' abanyamuryango bahagarariye abandi.Nyuma yo kugaragaza ibyo bakora naho bageze; baganirijwe ku mikorere n' imiyoborere y' amakoperative, icunga mutungo n' uruhare koperative zigira mu mibereho y' abanyamuryango. 

Bashimye imikorere bafite basoza bajya inama  ko bakomeza kubahiriza amategeko no guteza imbere abanyamuryango nk' uko biri mu ntego za koperative.

Bukeye bwaho kuwa 19 Mutarama 2024, Umuyobozi w’Akarere Madamu MUKASE Valentine, Hon Senateri NIYOMUGABO Cyprien na MUPENZI George baganiriye n’abagize koperative zitandukanye mu karere ka Karongi mu gikorwa cyo kwegera abaturage hagamijwe kureba ibyo koperative z'ubuhinzi n'ubworozi zimaze kugeraho.