Umuyobozi w'Akarere wungirije ushinzwe imibereho myiza, Madamu UMUHOZA Pascasie yakiriye itsinda ry’abanyeshuri bakabakaba 40 biga muri Kaminuza ya Manchester mu Bwongereza, bari mu rugendoshuri. Ubuyobozi bwaberetse uko ubuhinzi bw’ibihingwa ngengabukungu buhagaze mu Karere.

Basuye Koperative KOPAKAKI Dutegure birebera uko itunganya ikawa kugeza inyowe bahereye mu kuyihumbika. Baganiriye n’abahinzi b’ikawa n’abayobozi b’iyo koperative ku bijyanye n'aho ubu buhinzi bubagejeje ndetse n'imbogamizi bagihuriramo nazo.

Mbere yahoo bari basuye abagore bakorera ubucuruzi buciriritse mu isoko Umubano Nyarwanda, bibumbiye muri koperative igizwe n’abahoze bakora ubucuruzi butemewe mu mihanda itandukanye y’Akarere ka Karongi.